السلام عليكم ورحمه الله وبركاته.. أنا عندى22سنه وانا مخطوبه من شهر 7 اللى فات وهتجوز إن شاء الله شهر9أو10 اللى جاى خطيبى عنده28سنه.
وكان من 6 سنين ملتحى بس لما تقدم لخطبتى مكنش ملتحى للدرجه اللى كان عليها من 6سنين
وبعد كده عرفت السبب انه اهله مشجعهوش على السير فهذا الطريق بس طبعا بيصلى وبيصوم ودايما معظم كلامه معايا بيستشهد بالقرآن والحديث وانا وهو متفقين انناان شاء الله لما نتجوز نعين بعض على طاعه الله
بصراحه هو طيب وحنين وكان فالاول خجول منى ومن اهلى يعنى مثلا لو معزوم عندنا يتكسف ياكل بس بعد كده بقى عادى معايا يعنى بقينا ناكل مع بعض وياكل براحته والموضوع ده حصل بسرعه يعنى خد علي بسرعه وانا كمان خدت عليه بسرعه
هو بيقولى انه حبنى من اول مشفنى وقال لنفسه هى ديه مراتى وبعد شهر من الخطوبه لا قيته بيتكلم معايا انه بيحبنى ونفسه يبوسنى ويحضنى وهكذا وانا بصراحه كان كلامه بيعجبنى وكنت بحب كلامه ده
بس بعد كده حسيت ان كده حرام هو اجنبى عنى واهلى كمان عمرهم ميتخيلوا انى ممكن اتكلم انا وخطيبى.
فحاجه زى ديه المهم قلت له كده حرام والموضوع ده اتكلمنا فيه كثير وكان ساعات يقولى ايه اللى غيرك انتى مكنتيش كده فالاول انت كده مش بتحبينى
وساعات يقولى ازاى واحد يحب حد وميتمناش يقرب منه واحنا دلوقتى بيتكلم معايا انه نفسه فيا وانه عايز ينام معايا وبيفهمنى حاجات عن الجواز وانا طبعا مش برد لما بيتكلم كده وساعات بلومه وساعات تانيه بحس انه جوزى
بس والله احنا معملناش الحرام الصريح يعنى بيمسك ايدى وساعات بيبوسها وساعات يبوس صباعى وكمان دايما لما يبقى عندنا ونقدم حاجه تتاكل او تتشرب الاقيه ياكل بالمعلقه بعد ماستعملها وبيطلب منى انى اعمل زيه بس مش بوافق
بس امبارح كان موجود وكنا بناكل شيكولاته وكنت بأكلهاله بس لاقيته مسك واحده ومص منها حته وطلب منى اكلها ورفضت طبعا راح قالى اعكسيها انى انا اللى امصها وهو ياكلها واكيد رفضت لانى اتكسفت اوى وبعدها زعل
وقالى انتى من دلوئتى قرفانه منى ومش بتسمعى كلامى امال بعد كده هتعملى ايه مش هتريحينى وهو دلوقتى بيقولى ان جسمى عجبه وكل حاجه فيا عجباه انا بصراحه بضايق من حبه لجسمى ده انا بحب اللى يحبنى عشانى مش عشان جسمى
ودايما يقولى انا مش بحب اسلم نفسى لواحده مبحبهاش هو فالطبيعى الراجل مش بتفرق معاه الموضوع ده اوى بس انا بحب انام مع واحده بتحبنى وبحبها وكل ما قول لحد من اصحابى على كلامه وتصرفاته يقولى عشان تاخدوا عى بعض وهو كمان بيقول زيهم مع العلم انه رومانسى ولو قالى كلمه جارجه او تكسفنى اوى بيعتذر ويتئسف
وانا كمان لما بيلمسنى يعنى يمسك ايدى بحس انه ياريت كنا نبقى فاللحظه ديه ازواج بجد ودايما بيجبلى هدايا وكويس معايا واللى بطلبه يتعمل فشقتنا انا وهو بيحاول على قد ميقدر يعملهولى ودايما يقول لامى انه بيحبنى وان انا مراته ام ولاده فالمستفبل
وانا اول مره احس كده مع حد انا كنت بحب ابن عمتى بس محسيتش فيوم باى حاجه زى ديه وهو بيجى عندنا كل 14يوم بس بنتكلم عادى فالتليفون وفى حاجه كمان بابا مانع الخروج وماما لما بيبقى ورايا مشوار بتخلى خطيبى يروح معايا على اساس انه ياخد باله منى
وبجد بيبقى وجوده مفيد بخلص حاجتى بسرعه او هو يعنى بيخلصهالى وكمان بيقولى ان الحب بيلغى العقل يعنى ممكن واحده تعمل الحرام عشان هى بتحبه بس يرجع ويقولى انا مش عايز كده عشان انا كده مينفعش اكون جوزك
وهو هنا قصده انى مندمش زى كل مره بعد ميمسك ايدى او نأنجش بعض فالشارع بس لآنجشه ديه بدون احتكاك للجسم ولما برفض الانجشه ديه بيضايق بس مش اوى وبلاقيه ممكن يمد قدام لو فيه زحمه وبكون انا وراه.
انا دلوقتى مش عارفه اعمل ايه وايه الصح ولو هقولى على الصح اللى حضرتكم ان شاء الله تفيدونى بيه ازاى اقولهوله بطريقه حلوه ومقبوله وكمان نفسى حد يفدنى ويقولى هل ديه تصرفات حد بيحب حد ولا ده عشان هو نفسه يتجوز وخلاص؟
اسفه على الاطاله فالكلام وعدم الترتيب بس انا محتاره اوى ومش عارفه اعمل ايه بجد مع العلم انا برتحله وبحبه وبفرح لما بشوفه وبحس فيه نفس الكلام
بسم الله الرحمن الرحيم والصلاة والسلام على أشرف المرسلين سيدنا محمد وعى آله وصحبه أجمعين وبعد :
السلام عليكم ورحمة الله وبركاته ابنتي العزيزة تتلخص مشكلتك في انك تم خطبتك في شهر يوليو الماضي من شاب محترم كان ملتزما وملتحيا منذ فترة ولكن أهله طلبوا منه حلق لحيته المهم أنه بع الخطبة بدأ يختلي بكي في بعض الأحيان ويخرج معك وحدثت بينكم بعض الأشياء الغير مرغوبة شرعا وانه بدأ يطلب منك أشياء لا يطلبها إلا المتزوجين وحاولت صده ولكنه يتضايق من ذلك وترغبي في حل الأمر وكيفية التحدث معه في ذلك .
ابنتي أسأل الله عز وجل أن يصل إليك الرد وأنت في احست حال وان يعينك على الوقوف عند حدود الله وجزاك الله خيرا على حرصك على السؤال وهذا ان دل على شيء فإنما يدل على تمسكك بدينك وحرصك على الوقوف عند حدود الله أحسن الله إليك .
ابنتي الفاضلة حتى تقفي على حل لأمرك فينبغ الوقوف عند عدة نقاط تعتبر ثوابت في علاقة الخاطب بمخطوبته سواء من الناحية الشرعية أو حتى من ناحية الأعراف والعادات والتقاليد هي :
أولا: - الأصل المجمع عليه شرعا أنه لا يجوز لخاطب أن يجلس مع مخطوبته إلا بمحرم. ولا يحل له أن يختلي بها,أو يخرج معها,أو أن يمس شيء من بدنها لأنه لا يؤمن إن خرج معها أو مس شئ منها من ثوران الشهوة ومواقعة المحظور ولهذا منع الشارع ذلك كله,قال "صلى الله عليه وسلم":(لا يخلو رجل بامرأة ليست محرم إلا كان الشيطان ثالثهما).
ثانيا: - كما أن المشكلة تحدث عندما يبدأ الشاب في التمتع مع خطيبته في تلك الفترة وتستلم الخطيبة إلى ذلك وهي مخاطرة خطيرة والضرر كل الضرر يعود على مصلحة الفتاة وسمعتها.وفي تلك الحالة لايوجد أي قانون يحمي تلك الفتاة.
ثالثا: - ونخشى أن يتدرج الشيطان بالشاب والشابة من حديث جاد إلى مزاح ثم تألف ثم تعارف ثم تلاقي ثم ثم وفي النهاية تحدث الكارثة.
قال تعالى:(يأيها الذين آمنوا لا تتبعوا خطوات الشيطان ومن يتبع خطوات الشيطان إنما يأمركم بالسوء والفحشاء وأن تقولوا على الله ما لا تعلمون) .
رابعا: - لا طاعة لمخلوق في معصية الخالق وهذا الرجل لا طاعة له عليك الآن وحتى لو كان له ذلك فليس في الحرام .
ابنتي بعد ما تم ذكره سابقا أنصحك بالاتي: -
أولا: - أن تمتنعي تماما عن مجاراة خطيبك في أفعاله وفي استدراج الشيطان له ولكي
ثانيا: - من الواضح أن خطيبك رجل لديه خلفية دينية فأرجو أن تحاجيه في ذلك بالفتاوى الشرعية وبالامثلة العملية مثل هل يرضى لأخته ان يفعل معها خطيبها ذلك .
ثالثا: - تعمدي أن تقللي من فرص اللقاء المنفرد بينكما والخروج معه والخلوة الغير شرعية ولا تجاريه في الكلام الغير شرعي وأوقفيه عند حدود الله ولا تخافي في الله لومة لائم .
رابعا: - أفعلي ما أنتي مأمورة يه شرعا بغض النظر عن أنه يضايقه ذلك فتمسكك بحق الله هو الذي سيجعل خطيبك يتمسك بكي ولا تفرطي في حدود الله أبدا وأستمري على ما أنتي فيه
أبنتي في النهاية أسال الله أن يكون ردي لكي فيه الحل لمشكلتك وأن يعينك على إقامة حدود الله وأن يهون عليك وعلى خاطبك الأيام الباقية لزواجكما وعليك بالدعاء لنفسك وله والصبر يسر الله أمرك وبارك الله لكما وبارك عليكما مقدما وجزاك اله خيرا.
وصلى الله على محمد وعلى آله وصحبه وسلم.
الكاتب: أ. محمود عبد المجيد أبو العلا
المصدر: موقع المستشار
